2016 г. – 80 гадоў з часу адкрыцця Давыд-Гарадоцкага гарадзішча, помніка археалогіі ХІІ ст. (1936; Столінскі раён)
У мястэчку Давыд-Гарадок Столінскага павета Палескага ваяводства (цяпер Столінскага раёна Брэсцкай вобласці) 6 мая 1936 года ўспыхнуў вялікі пажар. Згарэла драўляная Васкрасенская царква, якая з пачатку ХІХ ст. стаяла на Замкавай гары на беразе ракі Гарынь, і больш за 100 дамоў.
2016 г. – 740 гадоў з пачатку будавання Камянецкай вежы (1276–1288), помніка абарончага дойлідства, унесенага ў Дзяржаўны спіс гісторыка-культурных каштоўнасцей Рэспублікі Беларусь
Камянецкая вежа (летапісная назва «столп камен») – унікальны помнік старажытнага дойлідства сусветнага значэння, узор ваенна-інжынернага мастацтва канца XIII ст. Яна адзіная, якая захавалася з групы так званых валынскіх вежаў і служыла месцам апошняй абароны і ўкрыцця пры нападзе ворага.
Гісторыя вежы цесна звязана з Камянцам, які ўзнік як горад-крэпасць на паўночных межах Уладзіміра-Валынскага княства. Упершыню горад Камянец і вежа ўпамінаюцца ў Іпацьеўскім летапісе ў 1276 годзе, дзе запісана, што валынскі князь Уладзімір Васількавіч, занепакоены частымі набегамі ворагаў на землі яго княства, адправіў свайго градаруба Алексу знайсці месца для пабудовы горада. Алекса з мясцовымі жыхарамі адправіўся ўверх па рацэ Лясной і аблюбаваў стромкі бераг з узвышэннем, дзе і быў узведзены Каменец.
2016 г. – 160 гадоў з часу пабудавання (1856) Брэсцкага Крыжаўзвіжанскага касцёла, помніка архітэктуры позняга класіцызму
Касцёл Узвышэння Святога Крыжа – каталіцкі храм, належыць да Брэсцкага дэканату Пінскай дыяцэзіі. Помнік архітэктуры позняга класіцызму, уключаны ў Дзяржаўны спіс гісторыка-культурных каштоўнасцей Рэспублікі Беларусь. Знаходзіцца ў адміністрацыйным цэнтры Брэста на вуліцы Леніна.
2015 г. – 240 гадоў з пачатку будаўніцтва (1775) Дняпроўска-Бугскага (Каралеўскага) канала, які злучае рэкі Піну і Мухавец, даўжынёй 244 км
Дняпроўска-Бугскі каналз ХVIII ст. нясе свае воды, абмывае землі Беларускага Палесся. Першы праект канала быў зроблены польскім картографам Ф. Чакіў 1766 годзе.
2015 г. – 150 гадоў з часу пабудовы Брэсцкай Сiмяонаўскай царквы, помнiка архiтэктуры рэтраспектыўна-рускага стылю (1865)
Кафедральны сабор у імя святога Сімяона Стоўпніка ў г. Брэст-Літоўску Гродзенскай губерні (цяпер Брэст) пабудаваны ў 1862–1865 гадах.
2015 г. – 405 гадоў з часу ўзвядзення (1610) Збіражскай царквы Святой Параскевы Пятніцы, помніка драўлянага дойлідства рэспубліканскага значэння
Царква Святой Параскевы Пятніцы ў вёсцы Збірагі Чэрнінскага сельсавета Брэсцкага раёна была пабудавана ў 1610 годзе на сродкі княгіні Агаты Сапегі як уніяцкая царква Прасвятой Троіцы.
Кастрычнiк 2015 г. – 185 гадоў з часу зацвярджэння праекта будаўніцтва імператарам Мікалаем І Брэсцкай крэпасці, комплексу абарончых збудаванняў ХІХ – пач. ХХ стст. (1830)
У канцы ХVIІІ ст. пасля трэцяга падзелу Рэчы Паспалітай узнікла неабходнасць умацавання заходніх рубяжоў Расіі. У 1796 годзе інжынер-маёр К. І. Оперман склаў інструкцыю “Для осмотра новой границы с Пруссией и Австрией”. Урад Расійскай імперыі разглядаў прапанову К. І. Опермана аб узвядзенні на працягу 1200 км заходняй граніцы дзевяці магутных крэпасцей першай лініі: у Лібаве, Коўне, Мерачы, Гродне, Брэст-Літоўску, Луцку, Лановічах, Камянцы-Падольскім, Сароках.
Май 2013 г. – 45 гадоў з пачатку будаўніцтва (1968) мемарыяльнага комплексу “Брэсцкая крэпасць-герой”
Цэнтральны Камітэт КПБ у Пастанове “Аб святкаванні 20-годдзя вызвалення Савецкай Беларусі” ўхваліў прапановы аб пабудове помніка ў Брэсцкай крэпасці за кошт сродкаў, сабраных народам для гэтых мэтаў.
2013 г. – 725 гадоў з часу пабудовы Камянецкай вежы, помніка абарончага дойлідства (паводле Іпацьеўскага летапісу пабудавана паміж 1276–1288 гг.)
Камянецкая вежа, «Столп камен» (летапісная назва) – унікальны старажытны помнік абароннага дойлідства, узор ваенна-інжынернага мастацтва другой паловы XIII ст.